探射燈：「有樣學樣」 子女或同沉迷
家長的行為往往會潛移默化影響子女，面對不少家長陷入手機成癮的情況，有青年機構代表直言，父母的「機不離手」表現，不但會破壞家人之間的相處，更加會為年幼子女樹立「壞榜樣」，隨時令子女日後沉迷手機網絡。
宜多面對面溝通
香港青年協會督導主任徐小曼表示：「好多家長成日用手機，最唔好嘅例子係無論處理學校同家長會嘅事項，全部都會以手機群組為主，喺小朋友前經常用手機，仔女大個可能都會有樣學樣。」徐指，家長沉迷手機會為年幼子女樹立「壞榜樣」，「食飯時叫仔女唔好打機，但原來自己部手機喺隔籬，會隨時拎嚟睇。」
徐認為，智能手機其實可拉近家長與子女之間的距離，令彼此有共同興趣，惟家長應注意，不應只依賴手機群組與子女溝通，「家長有時候都要放低手機，同子女面對面溝通，傾吓偈。」