探射燈：Phone狂媽媽 逆走親子路

「佢無論去到邊，即使去離島、落樓下茶餐廳食飯甚至去外地旅行，都機不離手，拍低晒自己嘅行蹤，即時上載至社交平台，不停發貼！」家庭主婦阿晴數年前開始沉迷手機的社交平台，其家人表示，有次她在外遊期間，發現未能接駁酒店房間內的無線上網服務，即時急如熱鍋上的螞蟻，情緒繃緊，更哀求當時逛街的朋友返回酒店，為她接駁上網服務，「佢會喺網同人分享所有事情，冇咗手機佢應該會崩潰。」

近日網上討論區亦流傳媽媽沉迷智能手機出現的五大徵狀，引發一眾網民熱烈討論。「阿媽煮完飯，唔食住，覆吓WhatsApp繼續吹水，叫都唔食住。」除了廢寢忘餐外，有網民無奈表示家長機不離手，「我阿媽都會咁！有一晚我半夜去廁所，見到佢熄咗燈喺張床度玩電話，我話咗佢幾句就扮收機瞓覺，到我去完廁所經過佢間房又見到佢玩。」更有家長因只顧玩手機險發生意外，「我阿爸都係咁，幾十歲人先做低頭族，過馬路都喺度睇手機，嚴重過我，真係好危險。」

廢寢 不少年輕人於討論區上發表父母沉迷玩手機的現象。（網上圖片）	忘餐	劉同學坦言父母無時無刻都機不離手，增加雙方距離。

「每日至少用五小時」

究竟家長是否也出現手機成癮？記者日前在街頭抽樣進行問卷調查，共訪問三十名年輕人，了解他們家長使用智能手機的習慣及程度，結果發現當中約兩成子女指其家長每日至少會花上五、六小時玩手機，大感父母「上晒癮」，更減少了與子女們面對面的溝通。

陳同學稱媽媽每天會花上五、六小時使用智能手機。	丁錫全表示，手機成癮較網絡成癮的影響力更大。	網絡成癮的個案年齡分布表

「無時無刻都拎住個電話，食緊飯都拎住！」大學生劉同學表示，其父母每日平均花上三小時以上在智能手機瀏覽社交媒體及「煲劇」，不論大小的家庭活動，父母均會透過手機的社交平台作聯絡，「大家都喺屋企入面，都會要用WhatsApp去溝通，明明喺同一個範圍內，但有種好奇怪嘅距離感。」

雖然同是身處家中，但家人之間竟然要依靠手機社交平台溝通。（設計圖片）	子女心聲 曾小姐（大學生）：「父母通常都係食完飯先玩電話，有時明明十一點瞓，佢哋會玩到十二點幾都唔瞓，要成日提佢哋唔好玩咁多。」	冼先生（大學生）：「媽媽未至於會掛住玩電話而唔煮飯，我覺得呢啲講求自律，有啲家長唔自律都冇辦法。」

同樣為大學生的陳同學及周同學亦表示，她們的媽媽每天也會花上五、六小時使用智能手機，「有時會一邊煮飯一邊煲劇，都有啲擔心會有意外！」陳坦言，明白媽媽日常不像子女般多娛樂消遣，故多用手機「煲劇」或瀏覽社交媒體解悶；而周則認為其父母出現手機成癮，批評他們常忘記做家務，「洗衫晾衫都唔做，差唔多日日都係咁！」

專家稱或壓力引致

「成年人主要因為受感情、工作、子女教育等多重嘅壓力下，令佢哋成為夾心階層，所以只好透過手機、網絡尋求慰藉。」東華三院心瑜軒預防及治療多重成癮服務中心主任陳美璐博士指，不少成人沉迷於網上社交平台結識朋友以求慰藉，「曾有個案事主被網友欺騙咗大量金錢，令佢哋受雙重打擊。」根據東華三院心瑜軒的個案統計，由一三年至一五年十月，十八歲或以上人士有網絡成癮的比例上升逾五成。

較網絡成癮難治療

精神科專科醫生丁錫全提醒家長，手機成癮容易影響身心健康，「手機成癮比起網絡成癮影響力更大、更難（治療），因為佢始終都係必需品，唔可以冇。」丁建議，沉迷手機的家長必須為自己訂立時間表，「返工、食飯同做家務時間要分配好，最重要係瞓覺時唔好玩手機，要節制自己，唔好畀手機佔領日常生活。」他稱，家長要以身作則，放下手機，主動加強與子女溝通，「你自己係咁用手機，你仔女好易又會咁，到時大家會冇晒溝通。」

圖/文：專案組