大南西街:港鐵站出口 小販阻礙通道

「每日返工放工同食飯時間呢度特別多人行,好多小販見人流多就喺度擺檔,但就塞住晒條路,啲人停喺度揀貨時又會塞上加塞,有時啲貨又放埋上行人路,我哋平時行都好難行!」李小姐指出,大南西街近港鐵荔枝角站B1出口常有小販擺賣,阻塞行人通道。

食署接報巡查 稱無發現

食物環境衞生署發言人表示,過去一年共接獲二十六宗有關上址有小販擺賣的投訴,並提出四宗檢控,惟發言人稱,接獲轉介後,多次派員巡查上址均未發現有小販擺賣的情況,強調會繼續留意及採取適當行動。「最近有啲檔仲擺埋出馬路,搞到行人路同馬路都塞死晒,唔明咁嚴重點解佢哋都話冇發現。」李小姐希望該署繼續跟進事件,並加強執法,改善通道阻塞的問題。