探射燈：二手尿布都有 潮媽熱捧網購
潮流興網購，而一眾「潮媽」在網上交易的ＢＢ二手產品更加是包羅萬有。有年輕媽媽分享經驗指，現時網上有許多不同的「媽媽會」，很多會員會將產後不會再用的「ＢＢ嘢」放上網轉售，認為做法既環保，又可將資源共用。
貨類多可散買「幾方便」
「聽過有其他媽咪喺網上賣二手尿布，覺得幾得意，所以開始留意網上仲有咩賣。」「潮媽」黃女士近年有網購習慣，指現時網上許多「媽媽會」有二手交易區，出售的貨品林林總總，「見過有啲媽咪賣用剩嘅獨立包裝奶粉同尿片，如果咁啱有其他媽咪唔想買一大包，其實都幾方便。」
黃指， 網上所賣的貨品種類十分齊全，當中大部分都是一些「大牌子」，質素很好，加上價錢較正價便宜，可以減輕一眾媽媽的負擔，「我生嗰時都買咗好多二手ＢＢ嘢，ＢＢ床都喺網上買。」