鉛水事件搞到民怨沸騰，成件事唔知點收科，運輸及房屋局局長張炳良唔知係咪動之以情，定係說之以理，竟然氹到一班承建商肯畀二千萬元，資助受影響嘅十一條屋邨、接近三萬住戶及三十個非住戶交水費，每戶平均可以攞到六百六十元，為期三年。雖然計番啲錢唔算好多，但畢竟要喺呢班私營承建商手上刮啲錢出來，都真係唔容易呀，喺依家全城鬧爆嘅情況下，都算係補吓鑊，有望平息少少民怨，但相信市民都唔希望呢二千萬附帶任何條件囉！
