政情：今日你上鏡：林曉盈早起為陪囝囝玩

全港性系統評估（TSA）引發嘅操練文化備受爭議，亦揭示本港學童嘅讀書壓力確係好大。啱啱送十二歲兒子去英國讀書嘅香港明天更好基金理事林曉盈（Juliana）深有同感，佢話香港學童嘅讀書壓力真係好大，所以佢極為重視囝囝有冇時間玩樂。不過，平時佢同囝囝各有各忙，要擠啲時間出嚟玩都唔容易。Juliana話，夜晚囝囝有好多功課要做，佢亦未必可以早返屋企，所以佢就將玩樂時間安排喺朝早，每朝六點就起身陪兒子食早餐、散步及玩樂，足足有一個半小時，佢形容呢段時間好珍貴。由於有切身感受，難怪佢感嘆話，提升港孩快樂指數真係刻不容緩！