創新及科技局（創科局）最快於本月二十號正式成立，商務及經濟發展局局長蘇錦樑（Greg蘇）尋日交代安排，指創新科技署及政府資訊科技總監辦公室以後撥歸創科局，令商經局轄下得番七個部門及十一個對外經貿辦事處。佢仲話，如果創科局運作一段時間後，大家覺得創意香港或知識產權署應該歸納過去創科局，佢會持開放態度，似係暗示想分埋呢兩瓣畀創科局。莫非Greg蘇想借拆局卸得就卸？
