葵涌：鐵騎違泊行人路 少被抄牌
「行人路搞到變咗泊車位，但都唔見有人理！」居於葵涌的黃先生發現，童子街鄰近石蔭商場對出一段行人路經常被佔用違泊電單車，「啲車泊上行人路或者駛走嗰陣，撞到經過嘅人就大件事！」黃直指有關違泊情況既阻礙途人往來，亦擔心衍生影響途人安全的問題。
今年首八月僅發三告票
警方發言人表示，今年一月至八月共接獲三宗有關上址的車輛阻塞及違泊投訴，並發出三張定額罰款告票。警方會繼續密切監察上址的違泊情況並果斷執法。
「有法就要執行，唔係分分鐘就愈嚟愈多車泊咗喺行人路！」黃先生希望警方加強巡查並執法，取締違規情況，保障途人安全。