大埔：店舖發泡膠箱層層疊霸路
「雖然只係發泡膠箱，但係佢成條路都放晒箱，仲要堆到高過個人，萬一跌落嚟點算？」大埔居民陳女士指大埔鄉事會坊有店舖經常於行人路擺放發泡膠箱，令通道收窄，又因發泡膠箱堆疊過高，擔心倒下或會傷及途人，「就算唔跌向行人路，隔籬就係馬路，跌咗落馬路咪一樣搞到其他人！」
檢控後仍未見改善
食物環境衞生署發言人證實，派員巡查時發現有店舖在公眾地方擺放物品，造成阻礙，已向有關負責人提出檢控，而過去一年亦向違例店舖提出十宗檢控。發言人又指，任何人在公眾地方擺放物品造成阻礙，可被檢控，一經定罪最高可罰款五千元或監禁三個月。
陳女士指日前再途徑上址時，發現情況未有絲毫改善，不滿食環署執法不力，並要求加重罰則以增加阻嚇力，「我幾乎次次經過都見到呢個情況，但食環一年先做咗十次嘢，同埋根本一啲改善都冇，咁執法同冇執都冇分別！」