華哥和小方是廚師，每日需要使用各種的刀具切割食材，同事都說他們刀法如神，廚藝精湛。
突然之間，廚房傳來「唉呀！」一聲，原來小方準備食材的時候，不慎被鋒利的菜刀割傷了！華哥見狀馬上陪同小方到急症室求診。期間小方說：
「唉，我又割傷手啦！」
「今次傷口比較深，方生你要多休息幾日。請問方生係咪經常受傷呢？」醫生問。
「冇辦法啦！我做呢行，個個都係咁！」華哥說。
「請問兩位事發時有冇使用個人防護裝備呢？」醫生問。
「冇喎，咩嚟o架？」小方問。
「常見於各行業的防切割手套有纖維或鋼絲手套兩種，適合應付一般人手操作的刀刃或手工具，具有輕巧及容易清洗等優點。符合標準的防切割手套以錘鐵圖像盾牌表示，仲有4位數字標示在盾牌下，呢啲數字分別代表四種機械性風險，由左起依次為：A－防磨；B－防割；C－防撕及D－防刺。
A，C及D三種機械性風險的防護級別以數字1至4表示，而B項防割保護的評級可達最高的5級。」醫生還取出一對手套給小方看：「若一對手套在B位置顯示3字，D位置顯示×或0字，則表示此手套的防割級別達到3級，但不適用於防刺，例如無法防止在切割海鮮魚類時被魚鰭刺傷。兩位要根據工作需要而選擇合適的個人防護裝備啦！」
「明白晒！我哋以後會多加留意！」小方說。
職業安全訓練局
www.oshc.org.hk