港大副校任命風波沒完沒了，繼學生會會長馮敬恩公然洩露校委會閉門討論的內容後，尋日又有電台播出一段聲稱係李國章喺會上嘅發言錄音，期間李指有政黨極為熱心推舉港大法律學院前院長陳文敏升任副校長，質疑有關政黨係咪想喺港大安插一名「黨委書記」。李國章事後自言光明正大，發言內容有理有據，唔怕畀人公開，反轟錄音者人格同誠信有問題。再咁搞落去，今後港大任何內部會議，都唔會有人再敢講真話囉！
