政情：今日你上鏡：協青社新「暴走車」出動

協青社早前獲贈一輛「暴走車」，取代用咗近十年嘅舊車，用作外展服務接觸夜遊青年。新「暴走車」車身依舊噴上塗鴉，但發電機馬力比以前大，更設有冷氣畀青年喺舒服環境下打機、唱卡拉OK等，而音響設備亦會跟車出動，外展時搬落車，讓青年配合音樂去跳街舞、踩滑板，吸引佢哋參與正面活動，從而遠離不法分子及毒品。協青社會長區璟智（左二）前日就與總幹事李文烈（右一），在捐贈機構富衛保險香港及澳門首席市務總監謝振國（左一）及行政總裁黃大偉（右二）手上接收「暴走車」，望新車能夠幫到更多青年啦！