呢個年代，器官捐贈已經好普遍，但立法會議員葛珮帆（EQ）就嫌做得唔夠，希望政府宣傳吓增加器官捐贈數目，尋日仲拉理黨友做騷，齊齊騷張已簽名嘅捐贈卡出來，呼籲大家一齊支持器官捐贈。不過，簽咗器官捐贈卡嘅鍾樹根就話，無同屋企人講自己簽咗捐贈卡；而進出口界議員黃定光（象哥）就話因為佢媽媽生前曾經需要輸血，所以佢簽捐贈卡係希望將呢個恩情還番畀大眾喎。
象哥仲不忌諱話，佢死咗之後留個臭皮囊都唔知做乜，火葬又會乜都燒晒。其實象哥同樹根嘅肥胖身形有辦畀大家睇，就算到時佢哋肯捐出器官，獲贈者係咪真係啱用就唔知喇。
至於漁農界議員何俊賢（高佬賢）就話尋日先至簽捐贈卡，佢認為點解依家啲人唔捐器官可能係覺得少咁啲嘢。中國人禁忌多就街知巷聞，高佬賢就建議政府可以搵埋堪輿學家麥玲玲出來講解吓，用輕鬆形式解釋器官捐贈，消除市民疑慮喎。