政情：工務會議唔聽書 建制瘀爆

政府向工務小組提交二○一五至一六年度立法會會期審議的項目文件，涉及七十二項政府工務工程，當中十一項是在上年度已提交，但未經表決或討論。本身是荃灣區議員嘅Ben就在會上發問，佢發現有十八區區議會一億元的社區重點項目工程無咗，如荃灣區嘅重建西樓角花園項目，又話區議會已同意有關項目工程，不應該因為社會上幾個反對派就令工程項目無咗喎。

狠批「拉布」 王國興撞板

其實Ben所講嘅重建西樓角花園項目早於今年七月已喺工務小組通過。民政事務總署助理署長黃海韻只好如實交代，話有關撥款申請現正排隊提交上財務委員會等候審批。至於王國興就似乎無認真「聽書」，佢喺會上狠斥泛民去年「拉布」，令到十一個工程項目被「拉倒」，之後就詢問當局可否優先處理該十一項工程。盧偉國就重申，佢喺會議開始時已講明其中四份文件就係上年度未及討論嘅議程，尋日開會「正正就是想追番（進度）。」