中環：斷枝壓官地 清理慢
「條樹枝棟喺度應該仲高過個人，點解斷咗咁耐，都冇人理嘅？究竟棵樹仲係唔係健康，會唔會仲有樹枝冧落嚟(口架)？」周先生早前行經中環至半山自動扶手電梯，發現吉士笠街公廁範圍內有樹枝斷裂，並倒向鄰近空地，質疑政府漠視樹木管理，「之前冇事嗰啲又冇啦啦斬咗佢，但係有事嗰啲又唔理，好本末倒置！」
地署稱承辦商已移除
地政總署發言人證實，港島西及南區地政處於九月底接獲1823電話中心轉介有關個案，已隨即派員實地視察，證實涉事樹木斷枝傾倒於毗鄰政府土地，樹木承辦商已於十月中旬移除。
周先生批評地政署效率緩慢，拖延多時方完成清理工作，未有積極保障市民安全及樹木健康，促早日作出檢討，「你有個傷口，都唔會成半個月都唔理啦！成日話要保育樹木，但畀人感覺就係講一套，做就另一套。」