探射燈：建造業冇課賣基建鬧人手荒
多項大型基建工程近年陸續動工，起重機、天秤、掘泥推土機等多種重型機械卻嚴重缺乏人手。雖然業界大力鼓勵年輕人投身此類工種，惟本報記者發現，主要由建造業議會提供上述重型機械的操作課程，最近部分課程已經停止招生；即使早前通過面試，有報讀者卻指有課程要輪候二至五年才可上課，被迫放棄入行。有工會代表踢爆，由於上課場地和機械不足，導致重型機械培訓課程未能應付報讀學生的數量。建造業青黃不接影響基建進度，有勞工界議員促請政府增撥資源，解決問題。
「話說上年年尾報咗CIC（建造業議會）嘅起重機課程，上次面試已經話要排到二○二○年！」不少人在網上反映報讀建造業議會的機械操作培訓課程，竟然要排期長達五年，大感不滿，更有人無奈表示要放棄入行，「我都排了五年都話唔知幾時開班，排得來真係到時送畀我都唔要。」
職訓局停辦建造業課程
今年四月，張先生計劃向建造業議會報讀掘泥機械操作課程，「個職員同我講冇班開，叫我自己留意佢哋個網站，但我望咗一、兩個月，都見唔到相關課程，打咗兩三次（職員）又話冇班，佢態度好似唔憂做咁，所以我就放棄唔報。」對於不能報讀培訓課程，張感到十分疑惑，「明明呢行（建造業）唔夠人手，唔明點解會冇班開，我好唔明白。」
為鼓勵更多年輕人投身建造業，建造業議會提供基本工藝訓練課程，包括砌磚批盪、油漆粉飾、建造棚架及機械維修科等，當中以包括操控常識與實務的機械維修課程最受歡迎，無論各式起重機、推土機、天秤等機械，經常超額報讀，不少有意報讀人士被迫放棄入行。而另一提供在職培訓建造業課程的職業訓練局，現在亦已停辦相關課程。
訓練場地 缺乏大型機械
男記者日前以學徒身份致電建造業議會，查詢有關報讀操作起重機、天秤及吊臂機等重型機器的課程，職員迅即表示不論履帶式或輪胎式的吊臂機或起重機等課程，「因（報讀）人數太多，唔會再招生或者收表格。」職員稱現時只可報讀操作搬土機及推土機的課程，但表示：「（課程）都好多人報，最快都要到一六年先知收唔收你（入讀）。」
面對重型機械操作人手短缺，卻「有人冇得上堂」，香港建造業總工會理事長周聯僑直指：「因為起重機、天秤等機械需要一個好空曠好大嘅地方操作，一個訓練場最多放得兩、三部機，所以依家唔夠咁多地方同機械用嚟（畀業界）培訓！」他稱，機械操作存在危險性，要一對一在機械上進行指導，令收生數量有限，「（建造業）議會一直都有開班，但太多人報又冇咁多場地設備，有報讀學生要排兩年先有得上堂！」
青黃不接 拖延基建進度
重型機械人手青黃不接，影響基建進度。「機械操作相對舒服啲，又專業性啲，好多後生仔想入行，但依家冇得畀佢哋入行，令一班老師傅逼住冇得退休，六、七十歲仲要操作天秤。」周坦言，培訓不足某程度上拖延基建進度，「依家基建工程愈來愈依賴機械，唔多唔少影響進度。」
「我覺得政府應該提供土地、資源協助業界做好培訓，穩定人力資源，先可以應付整體本港公、私營基建工程。」勞工界立法會議員郭偉強建議政府應增撥資源，紓緩人手不足問題，「發展局同建造業議會應加強溝通，明確估算業界整體人力資源嘅短缺，令培訓機構可以作相關調整。」
圖／文：專案組