有內地旅客喺紅磡一間珠寶店購物期間，懷疑因拒絕買嘢被打死，事件引起各界關注，政府至今仍未能就旅遊業監管局立法，被指係不時發生旅遊亂象嘅原因之一。商務及經濟發展局局長蘇錦樑（Greg蘇）尋日出席電視台節目時，被問到可唔可以喺今屆立法會會期內提交旅監局法例草案，Greg蘇就死撐話，唔會放棄呢個目標。不過係人都知，草案交到立法會，仲要經法案委員會審議，再交番大會討論，就算依家交畀立法會，話可以今屆會期通過，就真係自欺欺人喇！
