政情：公民講場：倡報團參考價 「英」做唔做

內地入境團營運及監管出現問題存在多年，一直依賴旅遊業議會去監管，而政府早在一一年已提出成立旅遊業監管局（旅監局）加強監管，但至今拖足四年仍未見影，如今發生內地客命案，商務及經濟發展局局長蘇錦樑尋日一句「草擬法例複雜」，又唔知拖幾耐。旅監局成立無期，旅遊業議會主席胡兆英又提出，冀業界能夠訂出「巿場參考價」畀消費者參考，以針對低團費問題。其實市場參考價好難釐定，事關行程同服務質素不同已影響參考價上落，況且過去多數出事都係超平價團，唔使參考價都知係逼人購物啦，所以長遠必須透過旅監局監管。