老闆請人考慮應徵者嘅履歷同工作能力係理所當然，但依家掉番轉，打工仔睇薪酬去決定出幾多力工作，好似裸模Lilit A咁，咪睇佢笑容滿臉肯搏肯露，其實一切都係睇錢份上而做咋！
假就等於唔好？烏克蘭裸模Lilit A話呢個只係角度問題啫，就好似業界充斥假波假籮嘅裸模，佢哋咪一樣走紅，講到尾各取所需啫。做人做事都咁清醒，難怪Lilit A話諗過晒利弊先入行啦！阿妹夠膽話畀大家知，佢做裸模非為理想，亦非為興趣，佢志願係乜都唔使做，舒舒服服咁享受每一日，咁唔代表佢懶噃，阿妹意思只係做番自己，做鍾意做嘅事，最重要係可以拒絕唔鍾意做嘅事，咁先係最快樂境界喎！Lilit A廿歲出頭就已經咁有「理想」，邊有人敢睇小佢吖！而阿妹選擇做Model，理由係學歷唔高及想搵快錢。自言性格內向，唔多鍾意同人溝通嘅Lilit A，興趣係聽音樂同睇書，夢想係移居法國小鎮，安安靜靜度過人生。高中畢業後，以佢嘅學歷只可以搵到一份普通職業，收入唔高，連自己都養唔掂，莫講話要供樓供車供養父母，對於移民夢想，簡直冇可能成事！但世上有樣嘢叫捷徑，為咗喺短時間內搵最多錢，Lilit決定做Model，而拍一輯寫真嘅收入，大概係打工仔一個月人工，一個月拍四輯，經已係打工仔四個月收入，Lilit話做一年就等於人哋做四年，如果成功上位，做幾年就可以搵夠錢退休！
之但係阿妹身材平平，個樣又唔算標青，憑乜條件可以突圍而出呢？佢解釋係靠勤力。一個練精學懶嘅裸模講勤力，簡直笑死人！而佢所謂勤力，只係唔揀擇，有機會演出就做，結果喺8個月內拍咗10輯寫真，可以喺Eternal Desire、Met Art及Yonitale等網站有得睇。你以為佢不計報酬？錯晒！阿妹係睇餸食飯，酬勞低就露少啲，酬勞高就加多兩錢肉緊，露乜都得，仲會笑容滿面，而知道個Job辛苦，佢就擺少啲甫士，皮笑肉不笑。Lilit話外人根本唔會察覺，全因為男人焦點只放喺波哋上，而佢亦表明唔會同錢鬥氣，逢騷必出，賺完再算！基於呢種態度，Lilit相信好快就可以賺到第一桶金，而當人氣開始有放緩迹象，佢就進軍歐美裸模界繼續剝，一直剝到冇人再想睇佢就引退，阿妹深信將來佢就算唔係大富大貴，都唔會窮過一眾打工仔，仲話雖然大家都係渾渾噩噩燃燒生命，但至少佢曾經勇敢過！
簡介：Lilit A入行以嚟打游擊，呢個網影吓，嗰個網又騷吓，所以想知道阿妹喺邊度出沒，最好去呢個網站起佢底，睇齊阿妹過去寫真，仲有巴打分享，好過自己上網慢慢摷！
網址：www.thenude.eu/Lilit%20A_29924.htm#Bio
年齡：21歲
三圍：35B-23-35
身高：5呎9吋
撰文：祖