政情：今日你上鏡：遊日遇「捕獲」 曾德成笑開懷
今年係抗戰勝利七十周年，坊間有唔少紀念活動，有人仍對抗日戰爭未能釋懷，至今仍提倡罷買日貨，甚至抗拒到日本旅遊。不過，有身在日本旅行嘅讀者發現，「老愛國」民政事務局前局長曾德成夫婦前日暢遊日本賞紅葉，更表示玩得好開心，莫非真係無官一身輕？一切都忘懷？讓一切隨「楓」？
話說曾德成夫婦喺日本秋田縣角館市旅遊，角館市保留唔少舊建築，因而有「小東京」之稱。據了解，曾德成展開九日郵輪假期之旅，前日係第二日行程，暢遊秋田縣。被問到遊日心情如何，曾德成指角館市風景宜人，喺當地玩得好開心。