政情：公民講場：選小組主席 議員圍威喂

訴訟人因唔同理由可能須向法庭繳存或轉入儲存金，司法機構早前提出修訂若干條例完善其運作，負責跟進有關修訂嘅立法會訴訟人儲存金規則小組委員會，尋日舉行首次會議並選舉主席。小組只得四名成員，但尋日仲有得三人出席會議，其中何俊仁（AV仁）及蔣麗芸（Ann）爭做主席，搞到要自己提名自己，另一成員何秀蘭就擔當和議人。不過，何秀蘭唔肯和議阿Ann做主席，最後反而要AV仁讓路，和議同投票支持阿Ann，加埋阿Ann支持自己嗰票，最終當選主席。不過，阿Ann當選後又忽然反問AV仁係咪好想做主席，真係鬧劇一場，十足小朋友玩泥沙。