中環出更：開扶貧會 「馮」「人」瞓着
立法會扶貧小組委員會尋日下午開會，聽取團體代表及個別人士意見。由於團體數目多達九十六個，會議料需時六小時，未知是否到場發表意見的團體代表及人士嘅意見及話題重複，不僅勞工及福利局副局長蕭偉強在會議期間神情呆滯，就連主打基層民生路線嘅多名泛民主派議員都似乎聽得昏昏欲睡，個別議員甚至瞓着覺，莫非想搵周公幫手扶貧？
卓妮在現場所見，民主黨何俊仁、工黨李卓人及民協馮檢基都頻頻「釣魚」，馮檢基用手指頂着眉心，唔知係咪想自行按摩醒吓神，抑或係驚瞓着覺「釣魚」被人發現。至於李卓人更一度閉目兼「頭耷耷」，個樣似瞓着咗。雖然會議漫長，但團體代表一場來到立法會表達意見，作為官員及議員就不應瞌眼瞓，否則好唔尊重，團體代表豈不是對空氣表達意見？
卓妮