政情:郵政醜聞多 署長「無補充」

【本報訊】香港郵政近年風波與醜聞不絕,最新一單係密謀將一批殖民時代郵筒嘅英國皇室徽號遮蓋,被轟破壞文物兼為咗政治理由「去殖化」。郵政署長丁葉燕薇尋日出席一個物流業界高峰會,吸引大批傳媒到場採訪,但丁太全程對記者提問十問九唔應,甚至連眼尾都唔望吓記者,當正好似冇事發生咁,繼續同其他與會嘉賓談笑風生。

到丁太離開時,大批記者再次一擁而上,佢終於肯開金口,答咗四隻字「我無補充」,之後就喺大批保安同職員護送下離開。由於現場實在太多人,丁太期間再送多「小心」兩隻字畀記者。其實只要佢肯停低講兩句,透過傳媒向公眾交代下件事,咪大家都安安樂樂囉!

第一手消息請下載on.cc東網iPhone/iPad/Android/Windows Phone Apps