中環出更：四叔暗寸曾蔭權打份工就算
恒基地產主席李兆基（四叔）尋日出席北京清華大學李兆基科技大樓落成典禮時，同傳媒講起特首梁振英（CY），四叔話覺得CY非常勤力，不會好似有啲人咁，掛住遊埠，好似打份工咁就算。記得當年前特首曾蔭權爵士競選連任時就正正話過自己會「做好呢份工」，仲用呢句說話做競選口號。咦，唔知四叔係咪想暗寸曾蔭權當年在任特首期間四出遊埠，求求其其當做特首係打份工咁就算呢？至於被問及是否支持CY連任，四叔就表示會跟大圍喎！
李家傑籲年輕人勿被洗腦
另外，四叔嘅長子兼恒基地產副主席李家傑亦有現身，並同傳媒討論年輕人問題。李家傑話，年輕人應該要將目光放到全世界，應該多點參與經濟，少啲參與政治，要多點運用腦袋，不要被人洗腦喎。他又透露，現時部分政客覺得年輕人參與政治會有助解決經濟問題，但他就認為是不可能的事，不認同參與政治可解決經濟問題，又稱年輕人可以透過選舉發聲，可以表達意見，但就不應該傷害同胞的聲譽。
卓妮