大埔：清塌樹拖逾月 地署捱批
「我每日都搭巴士經大埔公路返工，次次去到近油站嗰邊都會望到有棵樹斷開咗，仲凸咗條好尖嘅樹枝出嚟，成日都見到有人喺呢邊跑步，一陣棵樹冧埋落嚟、樹枝插親人就大件事！」曾先生表示，大埔公路大埔滘段近油站有樹木折斷，久未清理，擔心造成意外。
稱上月已移除
地政總署發言人表示，於八月已曾接獲其他部門轉介一宗有關上址有樹木折斷的報告，派員實地視察後，認為該樹木對公眾安全並無構成危險或阻礙通道。發言人指，承辦商已於上月移除該樹木。
「八月已經知，但九月尾先清，都唔明點解要拖咁耐先去清理，風和日麗就梗係冇危險，如果打風落雨就好危險！」曾先生要求地政署檢討跟進程序，以防塌樹對公眾造成危險。