立法會議員林健鋒之前建議，除咗依家嘅個人遊城市外，再開放畀內地居民以電子護照申請來港旅遊，吸引高消費過夜旅客，隨即被批評鼓吹港獨，之後佢就講清楚話要由內地負責審批，又被批評同現時雙程證冇分別。但佢仲未放棄，尋日喺電台節目上重提建議，話網上申請方便啲，仲拖埋商務及經濟發展局局長蘇錦樑落水，話對方早前都講過認同大方向喎。不過，蘇錦樑之前係話，認同吸引多啲過夜旅客嘅大方向，至於整體內地居民電子簽證措施，就話要仔細研究，講法似乎同林健鋒所講嘅有啲出入喎！
