單車節封路冇告示 嶼幹大塞車
單車節公路賽導致陸路交通大混亂！為配合單車節，尖沙咀、九龍西及新界南多處由昨日凌晨起至昨日中午前，實施封路及交通改道措施，導致上述地區昨日假期早上出外活動的市民要大塞車，有市民聲稱由東涌前往美孚足足塞車一小時，機場返市區要近兩小時，公路入口及機場區更沒有宣傳告示。被困塞車長龍的市民紛紛在網上討論區留言，「圍插」單車節主辦單位旅發局「唔識就唔好搞」，甚至怒轟「啲官腦閉塞」。
因應賽事，青馬大橋往九龍方向全線封閉。有居於東涌的讀者指，北大嶼山幹線往九龍方向昨早出現嚴重擠塞，平日乘巴士前往美孚僅需約半小時，但昨早七時半登上巴士約十分鐘後，便在大濠灣附近開始塞車，「三條行車線塞滿車輛，車龍蜿蜒無盡頭」，由於車站沒有特別通告，最初乘客們以為發生交通意外，及後才獲悉因單車節封路，「塞了約一小時，乘客無不怨聲載道」。
倡倣效澳門星洲經驗
多名網民怒轟主辦單位安排不善。有網民由機場乘巴士出市區，不幸遇上大塞車：「明知會封路，好心就喺機場站頭呼籲乘客注意再決定係咪轉其他交通工具。成架巴士啲人勁火滾，塞咗一個半鐘。」有網民批評政府及主辦單位旅發局「次次辦活動都累事，啲官腦閉塞」，應倣效澳門及新加坡舉辦大型活動經驗。
亦有網民認為今次單車節安排的質素，與渣打馬拉松賽事相距甚遠：「等半個鐘都無一架巴士，跑渣馬都唔會咁。」有網民指渣馬舉辦多年，也從沒因封路引起市民如此大怨氣，旅發局應多多檢討；甚至有網民冀首屆舉行的單車節未來能永久停辦。
網民籲多加忍讓盛事
有駕駛者則不滿當局指示不足，飽受塞車之苦而投訴。其中一名市民張生昨早七時出門口，「其實都知青馬同昂船洲大橋會封，打算行屯門公路去荃灣出九龍過海，但由屯門公路一直行到入汀九前一直連燈都無閃」，結果塞車四十五分鐘後，才成功由汀九前往青衣，再經九龍過海。「如果大會同警方喺上汀九前有路牌指示活動改道可能引起擁塞（擠），咁應有唔少人（包括我）會行返荃灣公路出九龍囉！」
不過亦有網民安撫鼓譟人士，指單車節一年辦一次，屬於健康活動，亦是一場盛事，因此而忍受塞車帶來不便絕對值得，又指「你話邊日唔塞車」，認為其他道路使用者應多加忍讓。有人則認為每個人都有使用道路的權利，應該「比（畀）人享受下」。
網民鬧爆單車節累塞車
Ry Wong：坐的士果D（嗰啲）真係多謝哂（晒）佢哋。
Joe Lui：其實搞比賽真係冇乜問題，但係你真係諗吓時間地點吖。
Manson Law：班踩單車嘅就開心得過了，將自己的快樂建在其他塞車道路使用者的痛苦身上。
Alex Lam：支持佢永久停辦！
King Tsang：仲衰過佔旺。
Wong Yin Yee：喺東涌，等半個鍾（鐘）都無一架巴士，跑渣馬都唔會咁。
Stanley：其實係賽會安排不善？馬拉松應該比今次封得仲多，但點解會今次塞成咁呢？
Chun Ng：人哋渣馬做咗多年，有大規模，又唔會甘（咁）多人出黎插，今次主辦機構真係要檢討吓。