旺角：鬧市凌空駁電 嚇煞途人
「竟然有條電線凌空接駁兩支燈柱，中間隔咗成條馬路，人多車多，萬一電線突然跌落嚟，咪會隨時電親人？」居於旺角的張先生早前發現，分別位於山東街及黑布街的兩支街燈，頂部被接駁有一條電線，由於該處屬繁忙路段，擔心電線一旦鬆脫，將對駕駛者及途人構成危險。
路署：臨時安排合乎標準
路政署發言人表示，早前發現上址街燈因地下電纜損毀而未能亮着，隨即安排接駁電線以供電予有關街燈，有關臨時供電安排合乎相關標準。發言人續稱，該署已安排承建商維修有關地下電纜，並正申請挖掘准許證及臨時交通安排，待維修工程完成後，會隨即移除臨時供電安排。
「都隔咗差唔多兩個月都仲係咁，壞咗地底電纜就應該要盡快整番好，一直駁電線借電都唔係辦法！」張先生要求有關部門盡快完成維修工程，免發生意外。