荃灣：店舖擺貨霸道 行人怒吼
「嗰頭唔少舖頭都當咗行人路係佢哋範圍，啲貨擺到出一出，食環署究竟點做嘢？」黎先生指出荃灣川龍街有多間店舖佔用行人路擺賣，造成阻塞，影響途人往來且引致地面不潔。
三個月檢控63宗
食環署發言人指出，該署一向關注上址一帶店舖將貨物放置於行人路造成阻塞通道的情況，除恒常巡查外，亦不時採取突擊執法行動及與警方採取聯合行動，遏止有關違規情況。過去三個月，該署向上址一帶違例擴展營業的店舖負責人提出共六十三宗檢控，其中十五宗與投訴所指店舖有關。該署會繼續留意上址情況及採取適當行動。
「食環署再唔加強執法，分分鐘愈嚟愈多行人路畀啲舖頭用咗嚟擺到呢度一堆、嗰度又一堆，行人仲邊度有路行？」黎先生希望食環署能加大力度執法，取締店舖的違規情況，確保行人路不被阻塞。