香港大學副校長人選風波愈演愈烈，除咗港大學生會及港大校友關注組尋晚搞集會及論壇外，更有港大教職員計劃罷教，唔知點收科。不過，作為掌管教育最高決策官員嘅教育局局長吳克儉（吳得掂），就似乎束手無策，尋日出嚟只係講啲門面說話，指當局非常重視院校嘅自主同學術自由，個別人士可自由發表意見，但必須守法及尊重喎。相信大家都明白「尊重」係點解，但「守法」係指乜呢？莫非吳得掂覺得發起罷教係違法嘅？
