拍新一輯宣傳短片
事關早前有眼利網民發現，《心繫家國》「汗水篇」有部分片段，疑取自美國太空總署太空船一九六九年嘅升空片段，令歌頌祖國航天太空發展變歌頌美國航天科技，更被網民嘲諷「心繫美國」，話唔係補鑊都無人信啦！
新一輯短片希望反映國家最新發展，仲配合兩年後香港回歸二十周年。委員會未來亦注重推廣國家嘅一帶一路發展，考慮資助青年到涵蓋嘅內地城市進行考察，會聯同合適機構製作相關節目及展覽，希望市民加深對國家同國民身份嘅認同。委員會又計劃將「尊重法治精神、包容不同聲音」，作為下年度重點推廣嘅價值，莫非因為去年發生嘅違法佔領行動而定出呢個方針？