【本報訊】銀行副總裁夫人在去年十月卅一日於上水站拖篋乘搭港鐵時，被要求將篋過磅，「闊太」拒絕且用篋撞港鐵職員，令對方右腿受傷。
她於今年二月十八日的農曆年大除夕在裁判法院承認一項襲擊罪，被判入獄兩周。獲准保釋過年的她昨向高院上訴要求減刑，獲改判一百廿小時社會服務令。
法官判決時恩威並施向她訓話，既苦口婆心勸她控制情緒，但亦警告她做服務令時：「唔可以擺闊太款，話『我唔做呀，吹咩？』」。
四十四歲上訴人蘆影，丈夫於德意志銀行任職副總裁，二人育有十二歲女兒，她昨由丈夫陪同到庭聽取上訴判決。法官游德康感慨嘆氣地問她：「你知唔知你有個好家庭？你知唔知自己幾幸福？……你有支持你嘅丈夫同孩子，唔值得為咗咁嘅事搞到咁樣！」游官又對她說「你係成年人，應該控制自己情緒，唔可以好似六七歲小朋友咁。如你遇到個同你一樣、覺得自己啱晒嘅人，或有暴力傾向，咁點算？當你發忟憎前，停低半秒諗諗！」
案件編號：HCMA 169/2015