違泊猖獗 半邊馬路淪車場
「條路明明就有兩條行車線，但總有一半變咗做露天停車場，仲要時不時泊正喺過路處個位。」香港仔居民李先生指，香港仔中心外一段南寧街經常有車輛違例停泊，連過路處「望左」「望右」的標示亦被遮蓋，嚴重影響道路使用者安全，「晚晚行過情況都係咁，係咪真係要搞出人命先有人關注？」
警稱去年發逾千五張告票
警方發言人證實，於過去一年曾接獲一百七十宗有關投訴，並向違例司機發出超過一千五百六十張定額罰款告票。發言人承諾會繼續密切監察涉事路段的情況，並採取執法行動。
李先生認為告票及投訴數字反映問題嚴重且持續多時，認為除交由警方執法外，長遠亦應改善規劃，擇地闢作停車場以作改善，「呢度係香港仔最中心嘅地帶，好多人會過嚟食飯，唔供應多啲車位，只會長抄長有。」