路口堆垃圾 食署看唔到
「堆垃圾喺度日曬雨淋搞到又臭又惹蚊，擺咗好耐都冇人理！有啲掃地人員經過，但係見到都唔理！」陳伯每逢外出必經大圍積富街，早前發現與積存街交界有垃圾堆積，惟一直未見有人清理。陳伯批評食環署巡查欠奉，縱容市民隨處拋棄垃圾。
食物環境衞生署發言人稱，過去一年均無接獲上址有關投訴。經本報轉介後，亦多次派員巡查上址，但未有發現行人路上有雜物，街道清潔亦尚算滿意，該署會繼續留意上址情況及採取適當行動。
市民促當局加強巡查
「唔知係咪傳媒轉介咗之後，食環終於派人喺度巡，依家唔見啲人再喺度亂丟垃圾！」陳伯指雖難以理解食環署未能發現雜物之原因，惟垃圾堆已被清走。陳認為食環署應積極進行區內日常巡查，以阻嚇違規情況發生。