橋本真帆 極品新力量

線條一流

日本寫真界每月都有新人出道，而小弟就認為近兩三年出道嘅女優特別優質，養眼指數爆晒燈，好似有寫真界救世主之稱嘅高崎聖子、鷹羽澪、星名美津紀、柳由里菜等，都有力成為未來天后，係喎！唔記得除咗佢哋之外，仲有一位強勁新力量，佢就係橋本真帆喇！今年23歲嘅橋本真帆年紀輕輕，面上卻散發出一股女人味，綺麗迷人，既帶點令人高不可攀嘅冷酷，卻又帶一點可愛調皮，合埋一齊就產生一種令男人難以抗拒嘅誘惑。真帆面孔吸引，身材同樣相當吸睛。雖然阿妹唔算豐滿，但係肌膚雪白光滑，肉哋結實，胴體各處都取得平衡，營造出優美線條，好睇又襟睇。

扮嘢至叻

橋本真帆靚女得嚟氣質迷人，身材平均兼具曲線美，係現時人氣冒升得最快嘅寫真女優之一，更加被評為質素與超人氣模特兒佐佐木希旗鼓相當，可見業界對真帆嘅評價有幾高。真帆之所以被發掘，全因為佢識得扮嘢，唔係話佢未紅先驕扮大牌，而係玩Cosplay嗰種扮嘢。2013年真帆喺東京遊戲展扮電子遊戲《Bayonetta : Bloody Fate》中嘅女主角，由於其身材夠高挑又識擺甫士，備受好評，後來亦於第26屆東京國際電影節當中再扮一次，令人氣上升，真帆更成為寫真女優，挾住高人氣發展寫真事業。除咗拍寫真，真帆仲參演電影，例如《八人的賽艇Ranger 2》，參與演出嘅電視節目亦有《LOVE理論》等，證明真帆唔單只甚得寫真迷支持，影視界對佢亦相當賞識，有前途呀！

個人微博

橋本真帆近期不時四出宣傳，想知道真帆最近去過邊，未來又會去邊處曝光，大家可以Click上其微博睇睇。

網址：https://twitter.com/mahorikamaho

橋本真帆Profile

年齡：22歲

身高：5呎5吋

三圍：32-22-33

撰文：賢