天橋駁輕鐵 建升降機拖四年

患有眼疾的李伯不時需乘搭輕鐵到屯門眼科中心覆診，但在市中心站落車後需行樓梯上落，大感吃力，「落咗車之後我一定要行樓梯先上到天橋過去（眼科中心），對眼又唔係好睇到，又冇乜腳力，行上去真係好辛苦。」李促請當局加設升降機方便市民。

「傷咗隻腳都冇辦法」

此外，李小姐因腳傷需到市中心站附近的仁愛分科診所接受治療，坦然難以上落樓梯，「我去睇醫生都係要喺呢個輕鐵站落車，傷咗隻腳係好難上樓梯，但都冇辦法，唔通次次搭的士咩！」李指市中心輕鐵站人流甚多，附近亦有多個公共服務設施，要求當局安裝升降機方便有需要人士。

市民必須行上天橋才能前往眼科中心、分科診所、政府合署及屯門公園等地方。	放大圖片	輕鐵屯門市中心站設有四個月台，人流暢旺。

記者曾實地視察，輕鐵屯門市中心站有四個月台，共有五條輕鐵路線途經。每個月台兩端均有樓梯接駁兩條行人天橋，市民需由天橋離開車站前往診所、政府合署方向，或經斜道前往屯門公園或友愛邨。由於附近沒有升降機，不少行動不便的人士及長者均需以扶手借力，小心翼翼地行上天橋。

路政署發言人表示，在「人人暢道通行」計劃下，當局現正為公共行人通道（即行人天橋、高架行人道和行人隧道），加建升降機或標準斜道等無障礙通道設施。而連接輕鐵市中心站的兩條行人天橋，亦納入「人人暢道通行」計劃，正進行加建升降機工程，以提供無障礙通道設施，而有關工程已於今年五月展開，該署會密切監察工程進度。

有設計圖後久未動工

「四年前政府已經畀過張加升降機嘅設計圖畀我，到舊年先正式拍板話起，但一直拖到依家只係做咗勘察，都未正式開工，都唔知最後要拖到幾時先有升降機用！」當區區議員歐志遠表示，多年前已要求政府加建升降機連接輕鐵站及行人天橋，直至今年五月當局才展開工程，批評當局拖延進度令市民不便。歐指屯門市中心有多個公共服務設施，附近亦有眼科中心及分科診所，不少市民需在輕鐵市中心站落車前往，要求當局盡快完成升降機加建工程，方便有需要人士前往目的地。