葵涌：煙蒂箱損毀 食署久未維修
食物環境衞生署設置煙蒂箱供市民棄置煙蒂，但被指管理不善。「嗰個箱爛咗閂唔到門，跌到成地都係煙頭，整到污糟邋遢，好影響環境衞生！」居於葵涌的黃先生指出，石蔭路一煙蒂箱損毀，引致滿地煙蒂，問題已持續多時，卻未見有部門維修。
食環署發言人證實，接獲轉介後派員巡查，發現上址煙蒂箱輕微損毀，即日已更換該煙蒂箱。
接投訴始更換
此外，該署人員巡查時沒發現行人路面有煙蒂，潔淨情況滿意。該署會繼續留意有關情況及採取適當行動。
「投訴咗真係有效，好快就有人嚟換咗佢，食環署真係唔踢唔郁！」黃先生希望食環署加強主動巡查，並確保轄下設施運作正常，可供市民使用。