如果問大家想成為一位商界才女，定係模特兒嘅話，相信大部分人都會選擇前者，只係對內地嫩模張美熒嚟講，卻選擇後者作為佢嘅職業。雖然佢外形確係唔錯，配合誘人嘅身體線條更係養眼，之但係呢個決定係咪真係正確呢？
呢位今年21歲嚟自上海、暱稱Merry嘅索模，入行前於上海海事大學修讀國際貿易學士學位。據講佢當時從未諗過會成為職業模特兒，畢業後加入一間排名世界五百強嘅企業公司工作，及後因厭倦商場上嘅爾虞我詐，於是唔理家人嘅反對毅然辭職。先後試過創業同從事藝術品工作嘅美熒，喺無心插柳嘅情況下，參加上海舉辦嘅遊戲展ChinaJoy角色扮演女郎比賽，並且脫穎而出。迷人嘅樣貌同火辣嘅身材，令佢備受注視，更接連得到各種拍攝寫真及廣告工作機會，當中包括為潮流、時裝及男士雜誌拍攝平面硬照，甚至成為網絡遊戲嘅推廣女郎，從此展開模特兒生涯。至於寫真方面，由於美熒條件出眾，加上敢行大膽性感路線，故此獲得極大嘅回響，成為寫真界一位人氣極高嘅性感模特兒。
可能有人覺得既然美熒有大學學歷，又曾經喺大企業工作，家陣棄商從模會唔會有啲可惜呢？如果咁諗嘅話，即係代表你唔了解佢。事關佢當日選擇離開大企業後曾經自行創業，從呢點可以睇得出，其實佢嘅夢想都係想從商。雖然今日佢已成為一位炙手可熱嘅模特兒，但係佢依然冇忘記所學到嘅商業知識。點解會咁講呢？原來佢忙於模特兒工作嘅同時，運用之前從事藝術品工作所學得嘅知識，經營一間專門銷售天然水晶、水晶擺設、水晶吊墜以及水晶戒指等飾品店，配合埋佢外表亮麗嘅生招牌，生意額相當可觀。不過阿妹表示做生意單憑外表係唔夠，最重要係誠信，先至可以吸引到客人長期幫襯，果然係有生意頭腦。問到佢點樣平衡模特兒同店舖工作分配時，佢坦言拍寫真只係回饋粉絲嘅支持，而模特兒工作則係兼職，反而水晶生意先至係佢嘅主戰場。
張美熒唔單止擁有誘人嘅樣貌同身材，更有生意頭腦。雖然佢冇喺個人微博度硬銷自己嘅水晶生意，但卻經常佩戴自家店舖嘅飾物示人，呢種軟性推銷方法既有效又可吸引大家注意，配合埋佢火辣嘅造型，邊個仲敢話靚女唔識做生意呀！
網址：weibo.com/meibaomerry
出生地：上海
身高：167cm
三圍：35、24、35
撰文：魂