政情：公民講場：反思佔領岑敖暉先知驚

佔領行動期間，「雙學」學聯及學民思潮兩個學生組織走在最前線，喺佔領行動一周年前夕，去年有份指揮佔領嘅學聯前副秘書長岑敖暉（Lester）就喺一篇網媒訪問中透露，佔領行動之後佢在外居住，每日都面對起居飲食、生活拮据嘅問題，有次喺香港中文大學山下行落火車站時，突然諗起前途問題，覺得依家自己罪名纏身，都唔知邊個會畀機會佢。佢當時就忽發奇想不如做小販，但又擔心如果被警察驅離唔知點算。Lester就慨嘆，曾經嘅知名度及影響力對佢帶來極大困擾，被傳媒捧到一個位置，就咩都唔能夠做到，令佢擔心往後唔知點樣發展。Lester依家先驚佔領行動令佢前途盡毀？早知今日，又何必當初呢！