中環出更：黃之鋒唱衰聯合航空 大呻肚餓
學民思潮召集人黃之鋒前日啟程前往美國紐約，準備出席當地人權組織舉辦有關佔領行動一周年的研討會。不過，佢未正式飛抵美國「唱衰香港」，便率先在飛機上唱衰其乘坐的美國聯合航空，投訴該公司航班正餐數量不足、小食又要額外收費等。有網民就寸爆話，乜黃之鋒唔係曾在佔領期間絕食逾一百小時咩？有「雙學」成員更立即上載多張豐富美食的照片「贈興」。
同李漢奸訪美再 「唱衰中港」
黃之鋒、外號「李漢奸」的民主黨創黨主席李柱銘及佔中發起人戴耀廷等，獲邀到美國出席由Freedom House舉辦嘅論壇，其中兩日行程更與國家主席習近平訪美撞期，被外界形容為「唱衰中港」及「狙擊習近平」之旅。黃之鋒前晚喺facebook自爆，話今次係首次乘坐長達十六小時直航機，但佢不滿聯合航空全程只提供兩餐膳食，小食要額外收費及簽卡，但佢冇帶信用卡，留言大叫「好肚餓」！
多名雙學成員見字後紛紛留言，但並非表示同情，有人更上載多張美食照片，但其後已刪除。事件引起網民熱議，有網民指黃之鋒曾連續絕食逾一百小時，沒理由咁快就嗌肚餓；有網民就笑言乜黃之鋒唔係坐美國總統專機「空軍1號」嗎？有人更指這就是雙學等人夢寐以求的「國際標準」！
卓妮