「想揀好老公，要嫁水電工」，這不是笑話而是實情。在今天「博士滿街走，碩士多如狗，學士去遛狗」的年代，一技傍身確倍自豪，嫁個水電工，起碼衣食無憂o架！
早兩年，當年紐約市長彭博已勸告美國年輕人，與其入哈佛讀大學，不如去做水喉技工。當年，有一個統計，最佳筍工嘅冠亞軍，分別係電梯維修工及電工，平均年薪分別達五十七萬及五十一萬美元，不但高過美國大學畢業生嘅平均年薪三十四萬美元，甚至比頂尖名校哈佛嘅四十九萬美元還要高。
隨着大學教育嘅普遍，一般文職人力供過於求，反之整電梯、修水喉，甚至「切割師」——即劏豬殺牛嘅都少人入行，難怪嫁給水電工甚至賣豬肉的，也許是幸福嘅保證！起碼毋須如某些行業如銀行、紙媒、合約教師等面臨飯碗嘅威脅。
「揀好老公嫁水電工」其實是務實態度。活着——就是要生存，要生存——起碼要有飯吃。老朽早前看到一個活生生的好例子：甘肅會寧是個小縣城，但該縣重視教育乃全國知名，過去三十多年出了一千多個博士，五十萬的人口，每年有近百名學生進入大學。然而，今年該縣招考警察，近二百人報考，其中九成是教師。可見揸粉筆不如揸槍的，內地的教師待遇看來有必要調整及改善，否則，再苦還是會苦孩子！
看來，老朽要鼓如簧之舌，叫未嫁的女兒找老公，要把眼光放遠些，不必學名媛o靚模一定要搵「金融才俊」才嫁，水電工暫不會被智能程式取代，其前景看俏亮麗，睇怕淨係為香港屋邨換鉛水喉都有排做，一於努力搵個水電工拍住拖先啦！再唔係搵個「切割師」，起碼餐飯會有豬肉，滿嘴油，邊個夠膽話你嫁得唔好？