葵涌：車輛違泊行人路惹不滿
行人路變泊車位，途人受阻惹不滿。居於葵涌的林先生指，打磚坪街一段行人路經常有車輛違泊，嚴重阻礙途人往來，「成日都係咁，啲車直情成部泊咗上行人路，要行就要左攝右攝先過到，但係長期都唔見有改善！」
警七個月發千七告票
警方發言人表示，葵涌分區警署由今年一月至七月期間共接獲一百三十四宗涉及上述道路的車輛阻塞及違泊投訴，期間向違例車輛發出共一千七百七十一張定額罰款告票。接獲本報轉介後，將會繼續密切留意該處的情況及果斷執法。
「行人路唔應該用咗嚟泊車，阻住晒啲行人！」林先生冀警方加強採取執法行動，保障行人通道不被車輛阻塞。