政情：鬼祟去教堂 貪曾又側門走
律政司刑事檢控專員於六月曾經講過，「貪曾」前特首曾蔭權的貪腐案會於三個月內有檢控決定。三個月大限將至，過去一直甚少現身嘅貪曾忽然活躍，經常鬼祟出席公開活動。
座駕停得隱蔽
尋日貪曾又同老婆曾鮑笑薇到堅道天主教教堂出席彌撒，雖然係望彌撒，但貪曾就着到身光頸靚，仲戴埋煲呔添！不過，執得正又點吖，出入勁鬼祟，就連離開教堂都要行側門，唔知佢今次去教堂係咪要贖罪呢？
貪曾離開畢拉山高級公務員宿舍的寓所時已經用側門上車，而座駕停在極隱蔽位置等候貪曾。貪曾夫婦約六時抵達教堂，由一名G4警員陪同下出席彌撒，可能現場只有四十幾人，G4都特別鬆懈，坐埋一面玩電話，貪曾夫婦就坐前排。約四十五分鐘後，貪曾夫婦就鬼祟由側門離開，上車前同神職人員傾咗成分鐘，然後握手道別。點解貪曾去教堂都唔能夠光明正大呢？