消委會抽查調味料，發現有多個樣本嘅鈉含量偏高，所以總幹事黃鳳嫺就提醒市民，外出用膳時要注意醬料分量，好似打邊爐就唔好落太多醬、食叉燒咪加太多豉油。其實每間食肆落嘅醬料同分量都唔一樣，一般都係廚師直接在食物添加醬料及豉油，然後送到食客面前，唔通要市民入廚房問廚師落咗幾多醬油、調味料及成分？而一般市民平時又有幾可打邊爐以致進食過多醬料呢？又有幾多人食叉燒會額外加豉油呢？
