尚德穿窿籃球場戟波友

居於將軍澳尚德邨的何先生指出，邨內僅尚德廣場天台設有兩個籃球場供居民使用，惟其中一個籃球場的地面有大量破損地方，「兩個場其中一個場係爛嘅，變相得番一個，但係人多起上嚟都會用埋另外個場，不過真係要好小心，我自己都試過差啲戟親！」何又指球場多年來未見有任何特別的維修保養，質疑領展未有妥善管理場地。

多人拗柴 居民冀盡快修妥

然而，該籃球場為區內「打波」的熱門地點，不少波友在作賽時亦「中招」。「自己同細佬喺度打波都試過拗柴，睇醫生都睇咗個幾月，有個朋友仲斷埋韌帶，要做手術。」尚德邨居民楊先生坦言，自小已常在該籃球場與朋友及弟弟一起「鬥波」，對該球場有着一份深厚感情，但現時面對這個「穿窿」球場則感甚為氣結，希望能盡快修理妥當，讓波友能安心。

場地地面出現整塊面層物料剝落。	波友心聲 陳先生：「（籃球場）地下咁多窿，跑嘅時候要就住就住，之前試過搶完籃板落地踩到啲窿拗柴！」	楊先生：「雖然個場地又爛、框又爛，但喺正屋企樓下都會繼續打！」

記者到場視察，發現其中一個籃球場原本綠色的地面有多達數十處破損，露出灰色的底層。而破損位置有大有小，部分形狀呈正方形甚有規則，估計有關位置曾作修補，但又再次有物料脫落。另外，球場內一部分被欄杆圍封，寫着「工程進行中」，相信為日後局部維修作準備。

「早排有街坊走嚟搵我，話個籃球場地下爛晒，有人跑嗰陣戟到啲爛嘅位仆親，受咗傷仲要入醫院！」當區區議員簡兆褀表示，尚德邨原本設計上並無獨立的籃球場，居民一直使用原屬房屋署商場的尚德廣場天台籃球場，當房署出售商場後，連帶該籃球場一併交予領展管理，直言籃球場的保養及管理自此一落千丈，「領展喺幾年前做過一次維修，但都係啲小修小補。」簡又指現時球場使用的物料非常落後，耐用性及保護性皆未如理想。簡要求領展真正翻新球場，以提供安全的場地予居民使用。

領展：料本月內完成優化

領展發言人表示，現時該籃球場設施正進行優化工程，預計於本月內完成。發言人又指，辦事處職員會定期巡視，確保設施狀況良好。但發言人並未有交代過去有否為球場作出大型維修保養。

記者：林永發、黃芷君