由法庭委任的亞視經理人黎嘉恩尋日宣布，亞視已同新投資者喺今年六月中及八月中分別簽署買賣協議，成功完成轉讓亞視41.6%股權，但承認有關股權變動仍未獲通訊事務管理局批准。商務及經濟發展局局長蘇錦樑其後出席活動時就回應話，《廣播條例》規定電視台如有股權變動，必須先獲得通訊局批准才可進行轉讓交易。有法律界人士更質疑今次交易可能不合法。如果交易最終不獲通訊局批准，唔知有冇人要嘔番啲錢出嚟呢？亞視之前報道江澤民死訊同與王維基嘅交易都「甩轆」，唔知今次又會點呢？
