政圈內一直有傳新民主同盟立法會議員范國威（Gary）為人小器又攬權，搞到啲黨友都驚咗佢。尋日終於有黨友頂佢唔順要退出！沙田區議員容溟舟喺退黨信上表明自己喺黨內作用漸細，加上地區工作繁重，無暇兼顧黨務，惟有退出。雖然容溟舟表面上就話退黨係因為地區工作繁重，但知情人士透露佢退黨係因為「太上皇」Gary玩針對，結果咪憤而退黨囉。
其實，冰封三尺非一日之寒，據知Gary同容溟舟交惡都唔係呢一兩日嘅事。早喺幾年前，Gary一次因為助手出錯而怒炒助手，容溟舟就偏偏收留該被炒嘅助手，令Gary覺得容溟舟事事對着幹，之後就削減容嘅資源，唔畀容同佢「孖公仔」一齊掛橫額。
據聞Gary更發揮「太上皇」本色，由於Gary身為立法會議員，手握黨內經濟大權，其他執委只好順應佢意思辦事。對於容溟舟嘅批評，Gary就話再冇補充喇！