廠區違泊 雙線頻變單線
「明明有兩條線，但有啲司機就當咗嗰度係私人停車場，搞到得番一條線！」在葵涌工作的陳先生指出，永建路及永基路一帶工廈林立，上址經常有車輛違泊，引致雙線行車路面僅餘下一線可供行車，擔心容易因此發生交通意外。
警方發言人表示，接獲轉介後，青衣分區警署已派員前往上址加強巡邏，並採取適當的執法行動。警方會繼續派員巡查，以保障道路安全。
市民促警正視加強執法
「唔好收到投訴先去巡，警察要多啲留意，馬路唔應該畀人用咗嚟做停車場！」陳先生希望警方正視違泊問題，加強執法，避免馬路長期被人佔用泊車，阻礙其他道路使用者。