公民講場：「遠」離兼狠批 白鴿愛搖擺

民主黨（白鴿黨）等泛民政黨於六一八政改方案表決時企硬否決政改方案，外界以為中央與泛民關係陷入冰封，殊不知早前港澳辦副主任馮巍南下香港同白鴿黨領導層會面，打開「後政改」嘅溝通之門。白鴿黨前副主席狄志遠接受電視台訪問時寸爆白鴿黨路線搖擺，指由一○年政改願意溝通，到早前政改方案傾都唔傾，轉而今日又跳出來溝通，惹來黨內「乳鴿」不滿。佢直言一切都係黨嘅路線搖擺造成內傷。其實被視為溫和派嘅狄志遠，擬退黨前夕都要再次痛斥白鴿黨不是，白鴿黨如果繼續畀人感覺一時一樣，更多溫和派成員出走係遲早嘅事。