弱勢政府萬事哀，老鼠原來可以惡過貓；大家睇吓佔中行動爆發近一周年，當局對違法者依然畏首畏尾，數字顯示：一三年裁判法院定罪率跌至四成七，遠低於區域法院嘅近八成和高等法院嘅六成七，唉，「警方捉人，司法放人」並非無的放矢！
再睇吓有「政治主教」之稱嘅陳日君，擺到明——唔係猛龍唔過江，唔係豬扒唔化妝，就係鍾意嘴藐藐，你又吹得我脹咩？「政治主教」在網上發文，氣燄之盛，恐怕連上帝都要退避三步，佢話：近期雨傘運動學生領袖被起訴，他對自己仍「逍遙法外」感「慚愧」，希望盡快被捕，並直言「伸長了頸等待那精彩的一刻」，再提醒律政司司長袁國強做好功課，否則繼「胸襲警察」後，又會搞出另一個天大笑話！
咁仲唔止，還要寸嘴：「我給了律政司這麼多貼士，我怕今年國慶節政府會給我一個『荷蘭水蓋』，那怎麼辦！」
你看，男人有錢就變壞，對於陳日君，被揭露接受淫賤黎巨額捐款，八年累計最少二千六百萬元，「政治主教」有錢就變「寸」，寸盡港府施政無能、寸盡香港法律並非人人平等、寸盡律政司司長不懂何謂公正執法、寸盡有外部勢力支持，政府就變縮頭烏龜！
政府畀「政治主教」睇死，政府連「法是一種強制秩序」、「法律是規定制裁的初級規範」都履行唔到，違法涉貪者即使有證有據，依然一個一個咁放生：貪曾貪湯如是，佔中幕後黑手、搞手淫賤黎如是……唔好話畀老朽知「法治是港人珍而重之嘅核心價值」，怎麼堅守《檢控守則》內的指引，可以慳啲，留番啖氣作為日落黃昏時嘅憑弔！
「政治主教」嘅寸嘴，進一步反映香港管治嘅沉淪！